ಶಪಥ

'ಇದು ನನ್ನ ಶಪಥ'

ಅವನು ಮತ್ತೊಮ್ಮೆ ಶಪಥ ಮಾಡಿದ್ದಾನೆ;

ನೂರಾ ಎಂಟನೇ ಬಾರಿ.

ಹೊಸ ಬದುಕು ಪ್ರಾರಂಭಿಸಲು

ಹೊಸದೇನನ್ನೋ ಸಾಧಿಸಲು

ದಿನ ಕಳೆದಂತೆ, ಮತ್ತದೇ

ಹೊಂದಾಣಿಕೆಗಳು, ಸಲಹೆಗಳು;    

ಪರರ ಆದೇಶಗಳು, ಒತ್ತಾಯಗಳು

ನೂಕುತ್ತಿವೆ ನಿರಾಸೆಯ ಕಡಲಿಗೆ,    
ವಿನಾಶದ ಸುಖಕ್ಕೆ.

ಅನಿಸುತ್ತಿದೆ,
ವಿಧಿಯೂ ಶಪಥ ಮಾಡಿರಬೇಕು;

ಅವನ ವಿರುದ್ದ!!

ದೌಲತ್ತಾಬಾದಿನ ಕೋಟೆ

ತರುಣ ಕಾವಲುಗಾರ:

ಎಷ್ಟು ಎತ್ತರವಾಗಿದೆ ಈ ಕೋಟೆ! ಛೆ, ತಲೆ ಗಿರ್ರ ಎನಿಸುತ್ತದೆ ನೋಡು...ಮತ್ತು, ಅದೋ ಅಲ್ಲಿ ಬೆಳ್ಳಗೆ ಕಾಣುತ್ತಿರುವುದು ದೌಲತ್ತಾಬಾದಿನಿಂದ ದಿಲ್ಲಿಗೆ ಹೋಗುವ ದಾರಿಯಲ್ಲವೇನು?!

ಮಧ್ಯವಯಸ್ಸಿನ ಕಾವಲುಗಾರ:

ಹೂಂ

ತರುಣ ಕಾವಲುಗಾರ:

ಎಂಥಾ ಕೋಟೆ! ಮೊನ್ನೆ ಯಾರೋ ಹೇಳುತ್ತಿದ್ದರು ವಿದೇಶ ಪ್ರವಾಸಿಗರೆಲ್ಲಾ ಎನ್ನುತ್ತಾರಂತೆ, ದೌಲತ್ತಾಬಾದದ ಕೋಟೆಯಂಥ ಕೋಟೆ ಜಗತ್ತಿನಲ್ಲೇ ಇಲ್ಲ. ಈ ಕೋಟೆ ಯಾವ ಸೈನ್ಯಕ್ಕೂ ಬೀಳುವುದಿಲ್ಲ ಎಂದು.

ಮಧ್ಯವಯಸ್ಸಿನ ಕಾವಲುಗಾರ:

ನಿಜ. ಆದರೆ ಕೋಟೆ ಎಷ್ಟು ಗಟ್ಟಿಯಾಗಿದ್ದರೇನು, ಎತ್ತರವಾಗಿದ್ದರೇನು. ಕುಸಿದರೆ ಒಳಗಿನ ಕುಚೋದ್ಯದಿಂದಲೇ ಕುಸಿಯಬೇಕದು. ನೆಲಕ್ಕಂಟಿಕೊಂಡಿರುವ ಜೀವ ನಾವು.

 

ದೃಶ್ಯ ೮

'ತುಘಲಕ್' ನಾಟಕ
- ಗಿರೀಶ್ ಕಾರ್ನಾಡ್